«Chelsi» markaziy himoyachisi Tosin Adarabioyo «Tottenxem» safiga o‘tdi.

«Shporlar» 28 yoshli futbolchini yangi o‘yinchi sifatida rasman tanishtirdi. Angliyalik himoyachi bilan tuzilgan shartnoma muddati oshkor etilmagan. Transfermarkt ma’lumotiga ko‘ra, transfer qiymati 8 million yevrodan ortiqni tashkil qilgan.

Tosin Adarabioyo ikki yil davomida «Chelsi» sharafini himoya qildi. Markaziy himoyachi «ko‘klar» safida barcha musobaqalar doirasida 70 ta o‘yin o‘tkazib, 7 ta gol urdi va 1 ta golli uzatmani amalga oshirdi.

U bunga qadar «Fulxem» va «Manchester Siti» klublarida ham to‘p surgan.

«Tottenxem» Premyer-liganing yangi mavsumini ikki o‘yindagi ikki mag‘lubiyat bilan boshladi. Roberto De Dzerbi jamoasi 5 sentyabr kuni safarda «Nottingem Forest»ga qarshi maydonga tushadi.