«Челси» марказий ҳимоячиси Тосин Адарабиойо «Тоттенхэм» сафига ўтди.

«Шпорлар» 28 ёшли футболчини янги ўйинчи сифатида расман таништирди. Англиялик ҳимоячи билан тузилган шартнома муддати ошкор этилмаган. Transfermarkt маълумотига кўра, трансфер қиймати 8 миллион евродан ортиқни ташкил қилган.

Тосин Адарабиойо икки йил давомида «Челси» шарафини ҳимоя қилди. Марказий ҳимоячи «кўклар» сафида барча мусобақалар доирасида 70 та ўйин ўтказиб, 7 та гол урди ва 1 та голли узатмани амалга оширди.

У бунга қадар «Фулхэм» ва «Манчестер Сити» клубларида ҳам тўп сурган.

«Тоттенхэм» Премьер-лиганинг янги мавсумини икки ўйиндаги икки мағлубият билан бошлади. Роберто Де Дзерби жамоаси 5 сентябрь куни сафарда «Ноттингем Форест»га қарши майдонга тушади.