«Monako» yarim himoyachisi Lamin Kamaraning «Chelsi»ga transferini bekor qildi.

Insayder Fabrisio Romano ma’lumotiga ko‘ra, klublar bitim shartlari bo‘yicha avvalroq kelishuvga erishgan edi. Biroq monegasklar keyinchalik o‘z pozisiyasini o‘zgartirib, futbolchini qo‘yib yubormaslikka qaror qildi.

Bu qaror «Monako»ning Folarin Balogunni sotish bo‘yicha «Everton» bilan muzokaralarni qayta boshlaganidan keyin qabul qilingan.

Qayd etilishicha, «Chelsi» rahbariyati transferning amalga oshmay qolganidan juda norozi va «Monako» vakillarining harakatlarini noprofessional deb hisoblamoqda.

London klubi Lamin Kamara uchun 55 million yevro to‘lashga tayyor edi. Shuningdek, 22 yoshli senegallik futbolchi bilan uzoq muddatli shartnoma shartlari ham kelishib olingan edi.