Krishtianu Ronalduning «An-Nasr»dagi sobiq jamoadoshi Marselo Brozovich uchun birdaniga uchta klub kurashga kirishdi.

Insayder Nikolo Skira ma’lumotiga ko‘ra, 33 yoshli yarim himoyachini «Fiorentina», «Trabzonspor» va «Al-Ittihod» o‘z safiga qo‘shib olishni istamoqda.

Xorvatiyalik futbolchi ayni paytda erkin agent hisoblanadi. Shu bois uni transfer pulisiz qo‘lga kiritish mumkin.

Brozovich so‘nggi uch mavsumni Saudiya Arabistonining «An-Nasr» klubida o‘tkazdi. U jamoa safida jami 124 ta o‘yinda maydonga tushib, 8 ta gol urdi va 23 ta golli uzatmani amalga oshirdi.

Transfermarkt bahosiga ko‘ra, tajribali yarim himoyachining bozor qiymati 8 million yevroni tashkil etadi.