Криштиану Роналдунинг «Ан-Наср»даги собиқ жамоадоши Марсело Брозович учун бирданига учта клуб курашга киришди.

Инсайдер Николо Скира маълумотига кўра, 33 ёшли ярим ҳимоячини «Фиорентина», «Трабзонспор» ва «Ал-Иттиҳод» ўз сафига қўшиб олишни истамоқда.

Хорватиялик футболчи айни пайтда эркин агент ҳисобланади. Шу боис уни трансфер пулисиз қўлга киритиш мумкин.

Брозович сўнгги уч мавсумни Саудия Арабистонининг «Ан-Наср» клубида ўтказди. У жамоа сафида жами 124 та ўйинда майдонга тушиб, 8 та гол урди ва 23 та голли узатмани амалга оширди.

Transfermarkt баҳосига кўра, тажрибали ярим ҳимоячининг бозор қиймати 8 миллион еврони ташкил этади.