Angliyaning «Chelsi» klubi yarim himoyachisi Romeo Lavia jamoaning 2026/2027 yilgi mavsumdagi ilk o‘yinlari haqida fikr bildirdi. «Chelsi» ketma-ket 3 ta g‘alabaga erishdi.

«Biz mavsumoldi tayyorgarlikdanoq ajoyib kayfiyatda edik. Murabbiy ham bu borada juda ko‘p mehnat qildi, dam olish kunlarida 3 ochkoni qo‘lga kiritishimiz uchun bizni yanada kuchliroq harakat qilishga undadi. Hozircha hammasi ajoyib ketmoqda.

Gap o‘ziga bo‘lgan ishonchni mustahkamlashda. Albatta, jamoadoshlarim menga juda katta yordam berishmoqda, murabbiy ham. Faqat o‘yindan o‘yinga rivojlanish kerak. O‘zimni juda yaxshi his qilyapman va umid qilamanki, bu holat doimo davom etadi», — deya Lavianing so‘zlarini keltiradi «Chelsi» rasmiy sayti.