Англиянинг «Челси» клуби ярим ҳимоячиси Ромео Лавиа жамоанинг 2026/2027 йилги мавсумдаги илк ўйинлари ҳақида фикр билдирди. «Челси» кетма-кет 3 та ғалабага эришди.
«Биз мавсумолди тайёргарликданоқ ажойиб кайфиятда эдик. Мураббий ҳам бу борада жуда кўп меҳнат қилди, дам олиш кунларида 3 очкони қўлга киритишимиз учун бизни янада кучлироқ ҳаракат қилишга ундади. Ҳозирча ҳаммаси ажойиб кетмоқда.
Гап ўзига бўлган ишончни мустаҳкамлашда. Албатта, жамоадошларим менга жуда катта ёрдам беришмоқда, мураббий ҳам. Фақат ўйиндан ўйинга ривожланиш керак. Ўзимни жуда яхши ҳис қиляпман ва умид қиламанки, бу ҳолат доимо давом этади», — дея Лавианинг сўзларини келтиради «Челси» расмий сайти.
