Mauro Ikardining agenti Letterio Pino argentinalik hujumchi yangi klub tanlashda nimalarga e’tibor qaratayotgani haqida gapirdi. U, shuningdek, «Lasio» varianti haqiqatdan ham muhokama qilinganini tasdiqladi.

«Pul ustuvor masala emas. U o‘ziga mos sport loyihasini va bir joyda ikki-uch yil qolish imkoniyatini izlamoqda. «Lasio»? Bunday imkoniyat bor edi. Fabiani o‘zini juda yaxshi tutdi, ammo biz bir-birimizga: biroz kutib turaylik, to‘xtab, hammasini yaxshilab o‘ylab chiqaylik, dedik», — deya Pinoning so‘zlarini jurnalist Nikolo Skira keltirdi.

Ayni paytda Ikardi erkin agent maqomida.

33 yoshli hujumchi shartnomasi yakunlanganidan so‘ng «Galatasaroy»ni tark etgan.