Мауро Икардининг агенти Леттериo Пино аргентиналик ҳужумчи янги клуб танлашда нималарга эътибор қаратаётгани ҳақида гапирди. У, шунингдек, «Лацио» варианти ҳақиқатдан ҳам муҳокама қилинганини тасдиқлади.

«Пул устувор масала эмас. У ўзига мос спорт лойиҳасини ва бир жойда икки-уч йил қолиш имкониятини изламоқда. «Лацио»? Бундай имконият бор эди. Фабиани ўзини жуда яхши тутди, аммо биз бир-биримизга: бироз кутиб турайлик, тўхтаб, ҳаммасини яхшилаб ўйлаб чиқайлик, дедик», — дея Пинонинг сўзларини журналист Николо Скира келтирди.

Айни пайтда Икарди эркин агент мақомида.

33 ёшли ҳужумчи шартномаси якунланганидан сўнг «Галатасарой»ни тарк этган.