Angliyalik vinger Reyss Nelson faoliyatini «Feyenoord»da davom ettiradi. 26 yoshli futbolchi «Arsenal»dan ketganidan so‘ng Rotterdam klubiga qaytmoqda.

Mashhur insayder Fabrisio Romano xabar berishicha, Nelson tibbiy ko‘rikdan muvaffaqiyatli o‘tgan. Tomonlar kecha kechqurun shartnoma shartlarini kelishib olgan va shundan so‘ng transferni rasmiylashtirish uchun barcha tayyorgarliklar yakunlangan.

Nelson «Feyenoord»ga erkin agent sifatida bepul o‘tadi. Avgust oyi oxirida «Arsenal» futbolchi bilan o‘zaro kelishuv asosida shartnomani muddatidan oldin bekor qildi va londonliklar tarbiyalanuvchisi erkin agent maqomiga ega bo‘ldi.

Vinger «kanonirlar» asosiy jamoasi safida 90 ta o‘yin o‘tkazib, 8 ta gol urgan va 9 ta golli uzatmani amalga oshirgan.