Англиялик вингер Рейсс Нельсон фаолиятини «Фейеноорд»да давом эттиради. 26 ёшли футболчи «Арсенал»дан кетганидан сўнг Роттердам клубига қайтмоқда.

Машҳур инсайдер Фабрицио Романо хабар беришича, Нельсон тиббий кўрикдан муваффақиятли ўтган. Томонлар кеча кечқурун шартнома шартларини келишиб олган ва шундан сўнг трансферни расмийлаштириш учун барча тайёргарликлар якунланган.

Нельсон «Фейеноорд»га эркин агент сифатида бепул ўтади. Август ойи охирида «Арсенал» футболчи билан ўзаро келишув асосида шартномани муддатидан олдин бекор қилди ва лондонликлар тарбияланувчиси эркин агент мақомига эга бўлди.

Вингер «канонирлар» асосий жамоаси сафида 90 та ўйин ўтказиб, 8 та гол урган ва 9 та голли узатмани амалга оширган.