Bu yoz «Chelsi» uchun juda faol o‘tdi. Yakuniy hisob-kitoblarga ko‘ra, klub futbolchilar sotuvidan 371 million funt ishladi. Bu Premyer-ligadagi eng yaxshi ko‘rsatkichlardan biri hisoblanadi.
Transfer oynasining so‘nggi kunida Enso Fernandes ham klubni tark etdi.
Asosiy ketishlar:
Enso Fernandes → «Man Siti» — 125 mln funt (Britaniya rekordi, Aleksander Isak transferi summasini takrorlaydi)
Andrey Santos → «Man Yunayted» — 50 mln funt
Nikolas Jekson → «Aston Villa» — 65 mln funt
Mark Kukurelya → «Real» — 51,8 mln funt
Liem Delap → «Nottingem Forest» — taxminan 50 mln funt
Trevo Chaloba → «Komo» — 30,8 mln funtgacha
Tayrik Jorj → «Everton» — 24 mln funt
Mark Giu → «Leypsig» 16 mln
Omari Kellimen → «Strasbur» — 5 mln funt
Jimmi-Jey Morgan → «Vest Bromvich» — 4 mln funt.
Bundan tashqari, bir qator futbolchilar ijaraga berildi: Disasi — «Kristal Pelas», Robert Sanches — «Komo», Garnacho — «Aston Villa», Yorgensen va Essugu — «Strasbur», Uayli — «Preston», Sarr — «Real Sosyedad».
Shu bilan birga, klub 11 nafar yangi futbolchi uchun taxminan 276,5 million funt sarfladi. Ular orasida Morgan Rodjers, Maksans Lakrua, Emiliano Martines, Jordan Xenderson va Denni Uelbek bor.
Natijada «Chelsi»ning transferlardan sof foydasi 95 million funtni tashkil qildi.
Shunday qilib, deyarli yopiq sikl hosil bo‘lmoqda. «Chelsi» katta mablag‘ sarflaydi, ammo undan ham ko‘proq daromad qiladi. Klub ikkinchi yil ketma-ket transferlardan tushgan daromad bo‘yicha ligada peshqadam bo‘lmoqda. Bundan bir yil avval APL rekordi o‘rnatilib, futbolchilar sotuvidan 314 million funt tushgan edi.
BlueCo modeli to‘xtamasdan ishlamoqda: arzonroq sotib olish, qimmatroqqa sotish va yozni foyda bilan yakunlash.
