"Real" vingeri Rodrigo jarohatdan tiklanish jarayonida muhim bosqichga o‘tdi.

Mundo Deportivo ma’lumotiga ko‘ra, braziliyalik futbolchi Valdebebasda ilk bor maydonda mashg‘ulot o‘tkazishni boshladi.

Rodrigo mart oyida oldingi xochsimon paylarini uzib olgan va shu jarohat sabab uzoq muddatga safdan chiqqan edi. Og‘ir jarohat uning 2026 yilgi jahon chempionatida ishtirok etish umidlariga ham nuqta qo‘ygan.

So‘nggi oylarda 25 yoshli futbolchi klubning reabilitasiya guruhi bilan asosan trenajyor zalida ishlab kelayotgan edi. Endi esa u birinchi marta gazonga qaytib, tiklanish dasturining navbatdagi bosqichini boshladi.

Shunga qaramay, Rodrigoni hali uzoq tiklanish jarayoni kutib turibdi.

Ma’lumotlarga ko‘ra, braziliyalik vinger 2027 yilda maydonga qaytishni maqsad qilgan.