«Aston Villa» vingeri Leon Beyli «Olimpiakos»ga o‘tish arafasida. Gresiya klubi 29 yoshli futbolchining transferi bo‘yicha kelishuvga erishdi.
Taniqli insayder Fabrisio Romano ma’lumotiga ko‘ra, gap futbolchini to‘liq transfer qilish haqida ketmoqda.
«Aston Villa» bitimni yakunlashga ruxsat bergan, Beyli esa «Olimpiakos» bilan 2029 yil yozigacha shartnoma tuzishga kelishgan.
Yamaykalik vinger allaqachon Afinaga yo‘l olgan va u yerda tibbiy ko‘rikdan o‘tadi. Shundan so‘ng transfer rasmiylashtirilishi mumkin.
Beyli 2021 yil yozidan buyon «Aston Villa» safida o‘ynab kelmoqda. U Angliya klubiga Leverkuzenning «Bayer» jamoasidan ko‘chib o‘tgan edi.
