«Астон Вилла» вингери Леон Бэйли «Олимпиакос»га ўтиш арафасида. Греция клуби 29 ёшли футболчининг трансфери бўйича келишувга эришди.
Таниқли инсайдер Фабрицио Романо маълумотига кўра, гап футболчини тўлиқ трансфер қилиш ҳақида кетмоқда.
«Астон Вилла» битимни якунлашга рухсат берган, Бэйли эса «Олимпиакос» билан 2029 йил ёзигача шартнома тузишга келишган.
Ямайкалик вингер аллақачон Афинага йўл олган ва у ерда тиббий кўрикдан ўтади. Шундан сўнг трансфер расмийлаштирилиши мумкин.
Бэйли 2021 йил ёзидан буён «Астон Вилла» сафида ўйнаб келмоқда. У Англия клубига Леверкузеннинг «Байер» жамоасидан кўчиб ўтган эди.
