«Seltik» «Torino» yarimhimoyachisi Gvidas Gineytisni transfer qilish uchun so‘nggi taklifini tayyorlamoqda, deya xabar bermoqda Celts Are Here.

Italiyalik jurnalist Alfredo Pedullaning ma’lum qilishicha, muzokaralar hali yakunlanmagan va Shotlandiya klubi litvalik futbolchi uchun yana bir bor taklif bilan chiqmoqchi.

«Seltik» avvalroq Gineytis uchun 7 million yevro taklif qilgan, ammo «Torino» bu taklifni rad etib, futbolchini taxminan 10 million yevroga baholagandi.

Gineytisning o‘zi «Seltik»ka o‘tishga qiziqmoqda, uning vakillari bilan shaxsiy shartnoma masalalari ham avvaldan kelishib olingan.

«Torino» futbolchini arzonga sotishni istamayotgani bois «Seltik» belgilangan summani bonuslar va qo‘shimcha to‘lovlar orqali qoplash variantini ham ko‘rib chiqmoqda.