Argentina futbol assosiasiyasi (AFA) mamlakat chempionatining barcha divizionlaridagi navbatdagi tur o‘yinlari milliy jamoadagi faoliyatini yakunlagan Lionel Messi sharafiga 10-daqiqada vaqtincha to‘xtatilishini ma’lum qildi.
«Erkaklar va ayollar o‘rtasidagi barcha yo‘nalishlarda — futbol, futzal va sohil futbolida — navbatdagi uchrashuvlarning birinchi bo‘limi 10-daqiqaga yetganida o‘yin to‘xtatiladi. Argentina milliy jamoasi safidagi faoliyati uchun Lionel Messiga minnatdorlik ramzi sifatida bir daqiqalik olqishlar tashkil etiladi.
Ekranlar o‘rnatilgan stadionlarda esa uchrashuvlar boshlanishidan oldin rasmiy videorolik namoyish etilishi shart», — deyiladi AFA bayonotida.
Avvalroq Lionel Messi Argentina milliy jamoasidagi faoliyatini yakunlaganini e’lon qilgan edi.
Messi terma jamoa safida 2022 yilgi jahon chempionati g‘olibi bo‘ldi. Shuningdek, u ikki bor Amerika kubogini qo‘lga kiritdi — 2021 va 2024 yillarda. Bundan tashqari, 2022 yilgi Finalissima hamda 2008 yilgi Olimpiya o‘yinlarida ham chempionlikka erishgan.
