«Real» bosh murabbiyi Joze Mourinyo ertaga La Liga doirasida «Real Betis»ga qarshi bo‘lib o‘tadigan uchrashuv oldidan matbuot anjumanida chempionatdagi raqobat haqida fikr bildirdi.

«Atletiko Madrid» ham chempionlik uchun kurashadi. Ular o‘zlari ham bunga qodir ekanliklariga ishonishadi, deb o‘ylayman. Bir murabbiy, bir xil mentalitet va barqaror tizim bilan uzoq vaqt ishlash futbolda juda katta ustunlik beradi.

Bundan tashqari, Chempionlar ligasida ishtirok etayotgan «Betis» va «Vilyarreal» kabi kuchli jamoalar ham bor. «Betis»ning kuchini ertaga o‘zimiz ham ko‘ramiz. Bask klublari ham juda murakkab raqiblar.

Men uchun La Liga oson chempionat emas. Bu yerda boshqa ligalarda bo‘lmagan bir bosim bor — har doim g‘alaba qozonish talabi. Germaniya yoki Fransiyada ayrim jamoalar har safar chempion bo‘lishlariga ishonch bilan harakat qilishlari mumkin. Bu yerda esa g‘alabadan boshqa har qanday natija yaxshi natija hisoblanmaydi», — dedi Mourinyo.