talkSPORT xabariga ko‘ra, Antoni Marsyal "Everton"ga taklif qilingan. Liverpul klubi Folarin Balogunning transfer oynasining so‘nggi kunidagi o‘tishi amalga oshmay qolganidan keyin hujum chizig‘ini kuchaytirish uchun yangi variantlar izlamoqda.

30 yoshli erkin agent avval "Manchester Yunayted" safida 209 ta o‘yin o‘tkazib, 63 ta gol urgan. Biroq 2024 yilda mankunianliklarni tark etganidan keyin uning faoliyati unchalik muvaffaqiyatli kechmadi.

Marsyal "AYEK Afina" va "Monterrey" safida qisqa muddat to‘p surib, jami 10 ta gol urdi. Uning Meksika klubidagi faoliyati esa yelkasi chiqib ketishi bilan bog‘liq jarohat sabab erta yakunlangan.

Xabarlarga ko‘ra, fransuz futbolchisi Premyer-ligaga qaytish variantini ko‘rib chiqishga tayyor.

Balogunning "Monako"dan transferi tibbiy ko‘rikda aniqlangan muammolar sabab amalga oshmay qolgach, "Everton" tarkibida nominal markaziy hujumchi sifatida faqat Tyerno Barri qolgan.

Shuningdek, Devid Moyes transfer oynasining so‘nggi pallasida Joshua Zirkzee va Temmi Abraxamni ham jamoaga olib kelishga uringan, ammo har ikki futbolchi bo‘yicha takliflar rad etilgan.

"Everton" bu yakshanba kuni Marsyalning sobiq klubi "Manchester Yunayted"ni Hill Dickinson Stadium'da qabul qiladi.