Gollivud aktyori Xyu Jekman Talksport efirida o‘zi muxlis bo‘lgan «Norvich Siti» klubidan ulush sotib olish bo‘yicha muzokaralar olib borayotganini ma’lum qildi.

«Men bunga juda, juda qiziqyapman va hozir aynan shu masala bo‘yicha muzokaralar olib boryapman», — dedi Djekman. «Iks odamlar» filmlar turkumidagi Rosomaxa roli bilan mashhur aktyor bir necha bor «Karrou Roud» stadionida bo‘lganini va «kanareykalar»ni juda yaxshi ko‘rishini ta’kidladi.

Jekmanning aytishicha, «Norvich Siti» bu mavsumda Chempionshipdan Premyer-ligaga ko‘tariladi.