«Valensiya» La Liganing 4-turida «Barselona»ga qarshi o‘yin oldidan jiddiy kadrlar muammosiga duch keldi. Uchrashuv 6 sentyabr kuni «Mestalya» stadionida bo‘lib o‘tadi.
Sport.es ma’lumotiga ko‘ra, olti nafar futbolchi — Kopete, Umar Sadiq, Sergi Kanos, Jastin de Xaas, Ildiz Rodriges va Diyego Lopes — mazkur bahsda ishtirok eta olmaydi. Ularda turli jarohatlar mavjud.
Yana uch futbolchining ishtiroki so‘roq ostida. Fukye jarohatidan tiklanmoqda, Luis Rioxa o‘zida og‘riq sezmoqda, Chenk Ozkadjar esa to‘pig‘ida noqulaylik his qilmoqda.
Uch turdan so‘ng Karlos Korberan shogirdlari bor-yo‘g‘i bir ochko jamg‘ardi. Endi jamoa mavsumni ishonchli boshlagan Ispaniyaning amaldagi chempioni «Barselona»ga qarshi maydonga tushadi.
