«Al-Ahli» Saudiya Arabistoni chempionatining 5-turidan o‘rin olgan uchrashuvda o‘z maydonida «Ar-Riyod»ni 5:0 hisobida tor-mor etdi.
Bahs 4 sentyabr kuni Jidda shahridagi «King Abdulla Sports Siti» stadionida bo‘lib o‘tdi.
16-daqiqada Ayvan Touni penaltini aniq amalga oshirib, hisobni ochdi. Birinchi bo‘lim oxirida Eduard Spersyan ham raqib darvozasini ishg‘ol qildi. Bu armanistonlik yarim himoyachining «Al-Ahli» safida o‘tkazgan yettita uchrashuvidagi yettinchi samarali harakati bo‘ldi.
Tanaffus arafasida Fransishku Trinkau yana bir gol urib, hisobni yirik ko‘rinishga keltirdi.
Ikkinchi bo‘limda Touni yana penaltidan unumli foydalanib, dubl qayd etdi. 87-daqiqada Naif Masud mehmonlar darvozasiga beshinchi golni kiritdi.
Parallel uchrashuvda «Al-Hilol» safarda «Ash-SHabab»ni 2:0 hisobida mag‘lub etdi. Ikkinchi bo‘limda Sergey Milinkovich-Savich va Ruben Nevesh gol urdi. Nevesh o‘z golini penaltidan kiritdi.
