«Barselona» joriy mavsum uchun jamoaning besh nafar sardorini tanladi.

Mundo Deportivo ma’lumotiga ko‘ra, asosiy ikki sardorni bosh murabbiy Xans-Diter Flik shaxsan belgilagan. Birinchi sardor Rafinya Dias, ikkinchisi esa Pedri bo‘ladi.

Qolgan uch nafar sardor futbolchilar o‘rtasidagi ovoz berish orqali aniqlangan. Erik Garsiya uchinchi, Frenki de Yong to‘rtinchi, 19 yoshli Lamin Yamal esa beshinchi sardor etib tanlangan.

Qayd etilishicha, avvalroq Flik Frenki de Yongni sardorlar ro‘yxatidan chiqargan edi. Endi niderlandiyalik futbolchi yana sardorlik bog‘ichini taqish huquqiga ega bo‘ldi, garchi hozirda u jarohat sabab maydonga tusha olmayapti.

Yakshanba kuni «ko‘k-anorranglilar» La Liganing 4-turida safarda «Valensiya»ga qarshi maydonga tushadi.