Madridning «Real» klubi «Betis»ga qarshi safar uchrashuvlaridagi omadsiz seriyasini to‘xtata olmadi.

Juma kuni bo‘lib o‘tgan bahs sevilyaliklarning 1:0 hisobidagi g‘alabasi bilan yakunlandi. Uchrashuvdagi yagona golni 81-daqiqada Troy Perrott urdi.

Qo‘shib berilgan daqiqalarda Kilian Mbappe hisobni tenglashtirish imkoniyatiga ega bo‘ldi, ammo penaltidan foydalana olmadi.

Shu tariqa, «Real» «Betis»ni safarda ketma-ket beshinchi o‘yinda ham mag‘lub eta olmadi. Bunga qadar o‘tkazilgan to‘rt bahsning uchtasi durang bilan yakunlangan, yana birida «oq-yashillar» g‘alaba qozongan edi.

Bu shuningdek Joze Mourinyo bosh murabbiylikka qaytganidan keyin «Real»ning ilk mag‘lubiyati bo‘ldi.

Madridliklar La Liganing dastlabki uch turida uchta g‘alaba qozonib, raqiblar darvozasiga jami 10 ta gol urgan va 2 ta to‘p o‘tkazib yuborgan edi.