Мадриднинг «Реал» клуби «Бетис»га қарши сафар учрашувларидаги омадсиз сериясини тўхтата олмади.

Жума куни бўлиб ўтган баҳс севильяликларнинг 1:0 ҳисобидаги ғалабаси билан якунланди. Учрашувдаги ягона голни 81-дақиқада Трой Пэрротт урди.

Қўшиб берилган дақиқаларда Килиан Мбаппе ҳисобни тенглаштириш имкониятига эга бўлди, аммо пенальтидан фойдалана олмади.

Шу тариқа, «Реал» «Бетис»ни сафарда кетма-кет бешинчи ўйинда ҳам мағлуб эта олмади. Бунга қадар ўтказилган тўрт баҳснинг учтаси дуранг билан якунланган, яна бирида «оқ-яшиллар» ғалаба қозонган эди.

Бу шунингдек Жозе Моуриньо бош мураббийликка қайтганидан кейин «Реал»нинг илк мағлубияти бўлди.

Мадридликлар Ла Лиганинг дастлабки уч турида учта ғалаба қозониб, рақиблар дарвозасига жами 10 та гол урган ва 2 та тўп ўтказиб юборган эди.