O‘tmishda «Barselona» va «Milan» klublarida o‘ynagan mashhur futbolchi Rivaldo Braziliya terma jamoasining 2026 yilgi Jahon chempionatidagi ishtiroki haqida fikr bildirdi.
Karlo Anchelotti boshchiligidagi jamoa mundialning 1/8 finaliga qadar yetib bordi va bu bosqichda Norvegiya terma jamoasiga mag‘lub bo‘ldi.
«Braziliya terma jamoasi qiyin davrni boshdan kechirmoqda. Terma jamoasi g‘alaba qozonmasa, har bir braziliyalik uchun bu qayg‘uli va alamli. Bu yil ham bundan mustasno bo‘lmadi. Braziliya terma jamoasi o‘z muxlislarini xafa qildi», — deya Rivaldoning so‘zlarini «Match TV» keltirdi.
Braziliya terma jamoasi Jahon chempionatining besh karra g‘olibi hisoblanadi. Janubiy amerikaliklar so‘nggi marta 2002 yilda mundialda g‘olib bo‘lgan.
