«Roma» Italiya chempionatining 3-turidan o‘rin olgan uchrashuvda o‘z maydonida «Atalanta»ni 2:1 hisobida mag‘lub etdi.
47-daqiqada hisobni mehmonlar ochdi — Ederson gol urdi. «Roma» javob golini 90-daqiqada kiritdi: Mario Ermoso hisobni tenglashtirdi. Oradan uch daqiqa o‘tib, Matias Sule rimliklarga g‘alaba keltirgan gol muallifi bo‘ldi.
Final hushtagi yangraganidan keyin «Atalanta» yarim himoyachisi Janluka Gaetano qizil kartochka oldi.
«Roma» shu tariqa ketma-ket uchinchi g‘alabasini qo‘lga kiritdi. Poytaxt klubi 9 ochko bilan A Seriya turnir jadvalida peshqadamlik qilmoqda. 6 ochkoga ega «Atalanta» esa 7-o‘rinni egallab turibdi.
