«Рома» Италия чемпионатининг 3-туридан ўрин олган учрашувда ўз майдонида «Аталанта»ни 2:1 ҳисобида мағлуб этди.
47-дақиқада ҳисобни меҳмонлар очди — Эдерсон гол урди. «Рома» жавоб голини 90-дақиқада киритди: Марио Эрмосо ҳисобни тенглаштирди. Орадан уч дақиқа ўтиб, Матиас Суле римликларга ғалаба келтирган гол муаллифи бўлди.
Финал ҳуштаги янграганидан кейин «Аталанта» ярим ҳимоячиси Жанлука Гаэтано қизил карточка олди.
«Рома» шу тариқа кетма-кет учинчи ғалабасини қўлга киритди. Пойтахт клуби 9 очко билан А Серия турнир жадвалида пешқадамлик қилмоқда. 6 очкога эга «Аталанта» эса 7-ўринни эгаллаб турибди.
