«Manchester Yunayted» bosh murabbiyi Maykl Karrik yarim himoyachi Kobbi Maynu haqida fikr bildirdi.

21 yoshli futbolchi APLning o‘tgan turida «qizil iblislar»ga «Ipsvich»ni 5:2 hisobida mag‘lub etishda yordam berdi va maydonda 80 daqiqa harakat qildi.

«Kobbi o‘tgan mavsumning so‘nggi qismini juda yaxshi o‘tkazdi va o‘tgan hafta ham o‘zini yaxshi ko‘rsatdi. Biz uning o‘yinning ayrim jihatlarida qanday rivojlanayotganini ko‘ryapmiz.

Men u bilan ishlayotgan sakkiz oy davomida u juda katta o‘sishga erishdi. U bemalol: «Men jamoadaman, ko‘p o‘yinlarda maydonga tushyapman, hammasi joyida», deb o‘ylashi mumkin edi. Ammo u bundan ham ko‘prog‘iga intilishda davom etyapti.

Maynu yana bir yorqin mavsum o‘tkazishga qodir. U juda tez ulg‘ayyapti, garchi hali ham juda yosh bo‘lsa-da. Uning oldida hali hammasi bor», — dedi Karrik matbuot anjumanida.

Yakshanba kuni «Manchester Yunayted» «Everton»ga qarshi maydonga tushadi.