«Shalke 04» Bundesliganing 2-turidan o‘rin olgan uchrashuvda «Bavariya» bilan 0:0 hisobida durang o‘ynadi.

Kutilganidek, myunxenliklar o‘yin davomida katta ustunlikka ega bo‘ldi, ammo Loris Karius qo‘riqlagan darvozani ishg‘ol qila olmadi.

The Touchline ma’lumotiga ko‘ra, «Bavariya» «Shalke 04»ga qarshi bahsga qadar Bundesligada ketma-ket 47 ta uchrashuvda kamida bittadan gol urgan edi.

Vensan Kompani jamoasi Germaniya chempionatida so‘nggi marta gol ura olmagan o‘yindan buyon 567 kun o‘tgan.

Ikki turdan so‘ng «Bavariya» 4 ochko jamg‘argan. Bundesligaga qaytgan «Shalke 04» hisobida esa hozircha 1 ochko bor, ammo bu ochko jamoa uchun ancha qimmatli bo‘ldi.