«Шальке 04» Бундеслиганинг 2-туридан ўрин олган учрашувда «Бавария» билан 0:0 ҳисобида дуранг ўйнади.

Кутилганидек, мюнхенликлар ўйин давомида катта устунликка эга бўлди, аммо Лорис Кариус қўриқлаган дарвозани ишғол қила олмади.

The Touchline маълумотига кўра, «Бавария» «Шальке 04»га қарши баҳсга қадар Бундеслигада кетма-кет 47 та учрашувда камида биттадан гол урган эди.

Венсан Компани жамоаси Германия чемпионатида сўнгги марта гол ура олмаган ўйиндан буён 567 кун ўтган.

Икки турдан сўнг «Бавария» 4 очко жамғарган. Бундеслигага қайтган «Шальке 04» ҳисобида эса ҳозирча 1 очко бор, аммо бу очко жамоа учун анча қимматли бўлди.