Pyer-Emerik Obameyang «Deportivo» safida mavsumni ajoyib tarzda boshladi.
Gabonlik hujumchi La Liganing dastlabki to‘rt turida 4 ta gol urdi va 2 ta golli uzatma amalga oshirdi. Obameyang chempionatdagi har bir uchrashuvda gol urishga muvaffaq bo‘ldi. Shanba kuni «Vilyarreal»ga qarshi o‘yinda esa u goldan tashqari yana ikkita assist ham qayd etdi.
Opta ma’lumotiga ko‘ra, Obameyang La Liga tarixida bir klub safidagi dastlabki to‘rt o‘yinining barchasida natijaviy harakat qayd etgan eng yoshi katta futbolchiga aylandi. U bu natijaga 37 yoshu 79 kunligida erishdi.
Avvalgi rekord Fernando Moryentesga tegishli edi. Ispaniyalik hujumchi 2006 yilda «Valensiya» safida La Liganing dastlabki to‘rt uchrashuvida natijaviy harakat qayd etgan. O‘sha paytda Moryentes 30 yoshu 193 kunlik edi.
