«Fulxem» Angliya chempionatining yangi mavsumini juda omadsiz boshladi. Jamoa hozirga qadar o‘tkazgan uchta uchrashuvining barchasida mag‘lubiyatga uchradi.

Avvalo, «dachniklar» «Chelsi»ga yutqazdi. Keyin «Sanderlend»dan mag‘lub bo‘ldi, so‘ng esa «Kristal Pelas» ham «Fulxem»ni ochkosiz qoldirdi.

Bu «Fulxem»ning Angliya yuqori divizionidagi ishtiroki tarixida mavsumning dastlabki uchta o‘yinida ham mag‘lub bo‘lgan uchinchi holatdir.

Bunday omadsiz start ilk bor 1951/52 yilgi mavsumda kuzatilgan. Keyin esa 2020/21 yilgi mavsumda ham jamoa dastlabki uch turning barchasida yutqazgan.

E’tiborlisi, har ikki holatda ham «Fulxem» mavsum yakunida yuqori divizionni tark etgan.