Londonning «Arsenal» klubi qishki transferlar oynasida jamoaning hujum chizig‘ini kuchaytirishga harakat qiladi. Bu haqda insayder Ekrem Konur ijtimoiy tarmoqlarida xabar berdi.

«Kanonirlar» o‘tgan yozda amalga oshira olmagan yangi hujumchini tarkibiga qo‘shishni istamoqda. Avvalroq matbuotda London klubi argentinalik Xulian Alvares va braziliyalik Vinisius Juniorga qiziqish bildirayotgani haqida xabarlar tarqalgan edi.

Mikel Arteta shogirdlari Angliya Premyer-ligasining yangi mavsumini 2 ta g‘alaba bilan boshladi. «Arsenal» 6 ochko jamg‘arib, turnir jadvalida 3-o‘rinni egallab turibdi.

«Kanonirlar» keyingi uchrashuvni safarda «Chelsi»ga qarshi o‘tkazadi. Uchrashuv 6 sentyabr, yakshanba kuni bo‘lib o‘tadi.