Лондоннинг «Арсенал» клуби қишки трансферлар ойнасида жамоанинг ҳужум чизиғини кучайтиришга ҳаракат қилади. Бу ҳақда инсайдер Экрем Конур ижтимоий тармоқларида хабар берди.
«Канонирлар» ўтган ёзда амалга ошира олмаган янги ҳужумчини таркибига қўшишни истамоқда. Аввалроқ матбуотда Лондон клуби аргентиналик Хулиан Альварес ва бразилиялик Винисиус Жуниорга қизиқиш билдираётгани ҳақида хабарлар тарқалган эди.
Микель Артета шогирдлари Англия Премьер-лигасининг янги мавсумини 2 та ғалаба билан бошлади. «Арсенал» 6 очко жамғариб, турнир жадвалида 3-ўринни эгаллаб турибди.
«Канонирлар» кейинги учрашувни сафарда «Челси»га қарши ўтказади. Учрашув 6 сентябрь, якшанба куни бўлиб ўтади.
