Darvozabon Matvey Safonov mavsumni omadsiz boshlaganidan so‘ng «PSJ»ning asosiy tarkibidagi o‘rnini yo‘qotishi mumkin.
Rossiyalik darvozabon 5 ta uchrashuvda 8 ta gol o‘tkazib yubordi. «Monako»ga qarshi uchrashuvda (1:2) Safonov Stanis Idumboning g‘alaba goli vaziyatida omadsiz harakat qildi va yaqin burchakdan gol o‘tkazib yubordi.
Shu vaziyatdan so‘ng yanvar oyidan beri rasmiy uchrashuvlarda maydonga tushmagan Luka Shevalyega asosiy tarkibga qaytish imkoniyati berilishi mumkin.
Manbaga ko‘ra, Luis Enrike hozircha Safonovga ishonch bildirishda davom etmoqda. Biroq rossiyalik darvozabon ishonchliligini oshira olmasa, vaziyat o‘zgarishi mumkin.
