Дарвозабон Матвей Сафонов мавсумни омадсиз бошлаганидан сўнг «ПСЖ»нинг асосий таркибидаги ўрнини йўқотиши мумкин.

Россиялик дарвозабон 5 та учрашувда 8 та гол ўтказиб юборди. «Монако»га қарши учрашувда (1:2) Сафонов Станис Идумбонинг ғалаба голи вазиятида омадсиз ҳаракат қилди ва яқин бурчакдан гол ўтказиб юборди.

Шу вазиятдан сўнг январь ойидан бери расмий учрашувларда майдонга тушмаган Лука Шевальега асосий таркибга қайтиш имконияти берилиши мумкин.

Манбага кўра, Луис Энрике ҳозирча Сафоновга ишонч билдиришда давом этмоқда. Бироқ россиялик дарвозабон ишончлилигини ошира олмаса, вазият ўзгариши мумкин.