«Fiorentina» Fabio Grosso jamoa bosh murabbiyi lavozimidan ozod etilganini ma’lum qildi. 48 yoshli italiyalik mutaxassis klubda uch oy ishladi. U 2026 yil 8 iyun kuni ushbu lavozimga tayinlangan edi.
Grosso qo‘l ostida «Fiorentina» 4 ta o‘yin o‘tkazdi. Jamoa Italiya Kubogining 1/32 finalida «Benevento»ni 4:1 hisobida mag‘lub etdi, shundan so‘ng A Seriyada ketma-ket uchta o‘yinda yutqazdi: «Roma»ga 0:4, «Frozinone»ga 0:3 va «Torino»ga 1:2.
Grosso bunga qadar «Sassuolo», «Lion», «Frozinone», «Syon», «Breshia», «Verona», «Bari» va «Yuventus» jamoalarida murabbiy sifatida faoliyat olib borgan.
«Fiorentina» A Seriyada 3 ta o‘yindan so‘ng ochko jamg‘ara olmagan va turnir jadvalida so‘nggi — 20-o‘rinni egallab turibdi. Jamoa 1 ta gol urgan va o‘z darvozasidan 9 ta to‘p o‘tkazib yuborgan.
