«Фиорентина» Фабио Гроссо жамоа бош мураббийи лавозимидан озод этилганини маълум қилди. 48 ёшли италиялик мутахассис клубда уч ой ишлади. У 2026 йил 8 июнь куни ушбу лавозимга тайинланган эди.

Гроссо қўл остида «Фиорентина» 4 та ўйин ўтказди. Жамоа Италия Кубогининг 1/32 финалида «Беневенто»ни 4:1 ҳисобида мағлуб этди, шундан сўнг А Серияда кетма-кет учта ўйинда ютқазди: «Рома»га 0:4, «Фрозиноне»га 0:3 ва «Торино»га 1:2.

Гроссо бунга қадар «Сассуоло», «Лион», «Фрозиноне», «Сьон», «Брешиа», «Верона», «Бари» ва «Ювентус» жамоаларида мураббий сифатида фаолият олиб борган.

«Фиорентина» А Серияда 3 та ўйиндан сўнг очко жамғара олмаган ва турнир жадвалида сўнгги — 20-ўринни эгаллаб турибди. Жамоа 1 та гол урган ва ўз дарвозасидан 9 та тўп ўтказиб юборган.