«Telstar» Niderlandiya chempionatining 5-turida o‘z maydonida «Kambur» bilan 2:2 hisobida durang o‘ynadi.

Mezbonlar 22-daqiqada bir kishi kam bo‘lib qoldi. Hujumchi Nokkvi Torisson qizil kartochka olib, maydondan chetlatildi.

«Kambur» Rafik El Argiuining 53-daqiqadagi va Nikolas Binderning 60-daqiqadagi gollaridan so‘ng 2:0 hisobida oldinga chiqib oldi.

Shundan keyin «Telstar» darvozaboni kichik Ronald Kuman jamoasini qutqardi. U 63-daqiqada penaltini aniq amalga oshirib, hisobni qisqartirdi. 90+11-daqiqada esa yana bir 11 metrlik zarbani golga aylantirib, hisobni tenglashtirdi.

Kichik Ronald Kuman — «Barselona» va Niderlandiya terma jamoasining sobiq himoyachisi Ronald Kumanning o‘g‘li. 31 yoshli darvozabon «Telstar»ning asosiy penalti tepuvchisi hisoblanadi.

U 2025/26 yilgi Niderlandiya chempionatining 34-turida ham «Volendam»ga qarshi o‘yinda penaltidan gol urgan edi. O‘sha uchrashuvda «Telstar» 2:1 hisobida g‘alaba qozonib, Eredivizidagi o‘rnini saqlab qolgan.