«Bavariya» o‘ng qanot himoyachisi Sasha Boe yaqin vaqt ichida klubni tark etishi mumkin.
25 yoshli futbolchining Saudiya Arabistoniga ko‘chib o‘tishi ehtimoli muhokama qilinmoqda. U yerda transfer oynasi hali ham ochiq.
«Biz bu masaladagi pozisiyamizni boshidanoq aniq bildirganmiz. Oradan to‘rt oydan ko‘proq vaqt o‘tdi, ammo ayrim joylarda transfer oynasi hali ham ochiq. Ko‘ramiz», — dedi «Bavariya» sport bo‘limi rahbari Maks Eberl Boening sotilishi haqidagi savolga javoban.
Uning so‘zlarini Bayern & Germany keltirdi.
Transfermarkt portali fransiyalik futbolchining bozor qiymatini 10 million yevroga baholamoqda. Boening «Bavariya» bilan amaldagi shartnomasi 2028 yilning yoziga qadar mo‘ljallangan.
