«Barselona» bosh murabbiyi Xans-Diter Flik Fermin Lopes va Dani Olmo o‘rtasida tanlov qilish qanchalik qiyin ekani haqida fikr bildirdi.

Yakshanba kuni La Liganing «Valensiya»ga qarshi va 5:0 hisobida yakunlangan uchrashuvida Fermin asosiy tarkibda maydonga tushib, 1 ta gol va 2 ta golli uzatma qayd etdi. Uni 75-daqiqada almashtirgan Dani Olmo ham ikki marta sheriklariga golli pas berdi.

«Bizda asosiy tarkibda o‘ynashga qodir futbolchilar juda ko‘p. Mening vazifam — o‘yin vaqtini to‘g‘ri taqsimlash va barchaning mamnun bo‘lishini ta’minlash.

Olmoning o‘yini menga juda yoqadi va u ko‘proq maydonga tushishni xohlayotganini bilaman. Men jamoa manfaati uchun eng to‘g‘ri qarorlarni qabul qilishga harakat qilaman», — deya Flikning so‘zlarini Barca Universal keltirdi.

«Barselona» 4 turdan so‘ng 12 ochko jamg‘arib, turnir jadvalida peshqadamlik qilmoqda.