Niderlandiya chempionatining beshinchi turidan o‘rin olgan markaziy bahs PSV va «Ayaks» jamoalari o‘rtasida kechdi. Peshqadamlar bellashuviga xos ravishda o‘yin juda shiddatli o‘tdi va bosh hakam ikkala jamoa a’zolariga jami to‘qqiz marta sariq kartochka ko‘rsatishga majbur bo‘ldi. Ushbu ogohlantirishlarning ortiqcha oltitasi PSV futbolchilari hisobiga yozildi — bu esa amsterdamliklarga qarshi o‘yinlarda klubning so‘nggi ellik yildagi yangi antirekordiga aylandi.
O‘yinning umumiy natijasiga to‘xtaladigan bo‘lsak, PSV 3:1 hisobida zafar quchdi va so‘nggi yillarda «Ayaks»dan ustun ekanligini yana bir bor isbotladi. Keyingi turda, 13 sentyabr kuni PSV o‘z maydonida Rotterdamning «Sparta» jamoasini qabul qiladi.
