Нидерландия чемпионатининг бешинчи туридан ўрин олган марказий баҳс ПСВ ва «Аякс» жамоалари ўртасида кечди. Пешқадамлар беллашувига хос равишда ўйин жуда шиддатли ўтди ва бош ҳакам иккала жамоа аъзоларига жами тўққиз марта сариқ карточка кўрсатишга мажбур бўлди. Ушбу огоҳлантиришларнинг ортиқча олтитаси ПСВ футболчилари ҳисобига ёзилди — бу эса амстердамликларга қарши ўйинларда клубнинг сўнгги эллик йилдаги янги антирекордига айланди.
Ўйиннинг умумий натижасига тўхталадиган бўлсак, ПСВ 3:1 ҳисобида зафар қучди ва сўнгги йилларда «Аякс»дан устун эканлигини яна бир бор исботлади. Кейинги турда, 13 сентябрь куни ПСВ ўз майдонида Роттердамнинг «Спарта» жамоасини қабул қилади.
