Yarim himoyachi Hakim Ziyesh 8 sentyabr kuni Braziliyaga uchib boradi va «Botafogo» bilan shartnoma imzolaydi. Bu haqda insayder Fabrisio Romano xabar berdi.
Manba ma’lumotiga ko‘ra, transferga oid barcha rasmiy jarayonlar hal qilingan. 33 yoshli marokashlik futbolchi Braziliya klubiga erkin agent sifatida qo‘shiladi.
Ziyeshning avvalgi jamoasi Marokashning «Vidad» klubi bo‘lib, u yerda 2025 yildan buyon to‘p surib kelayotgan edi. Futbolchi «Vidad» safida 16 ta o‘yin o‘tkazib, 9 ta gol urdi.
Shuningdek, Ziyesh faoliyati davomida «Al-Duhayl», «Galatasaroy», «Chelsi», «Ayaks», «Tvente» va «Xerenven» klublari sharafini himoya qilgan.
Marokash terma jamoasi safida esa u 64 ta uchrashuvda 25 ta gol urgan.
Transfermarkt portali Hakim Ziyeshning transfer qiymatini 2,2 million yevroga baholamoqda.
