"Barselona" himoyachisi Jerar Martin jamoaning navbatdagi yirik g‘alabasidan so‘ng o‘z fikrlari bilan o‘rtoqlashdi.

La Liganing 4-turida "ko‘k-anorranglilar" "Valensiya" darvozasiga javobsiz 5 ta gol urdi.

"Biz doim yana ko‘proq gol urishni xohlaymiz. 2:0 yoki 3:0 hisobida g‘alaba qozonishimiz mumkin edi, ammo yo‘q. Biz gol urishda davom etishni, raqibni butunlay bosim ostida qoldirishni va unga birorta ham imkoniyat bermaslikni istaymiz.

Shu bilan birga, o‘z darvozamizdan ham gol o‘tkazib yubormaslikni xohlaymiz", — deya Martinning so‘zlarini Barça Universal keltirdi.

"Barselona" 4 turdan so‘ng 12 ochko jamg‘arib, Ispaniya chempionatida peshqadamlik qilmoqda. Kataloniyaliklar bu uchrashuvlarda 17 ta gol urib, o‘z darvozasidan atigi 2 ta to‘p o‘tkazib yuborgan.