"Барселона" ҳимоячиси Жерар Мартин жамоанинг навбатдаги йирик ғалабасидан сўнг ўз фикрлари билан ўртоқлашди.

Ла Лиганинг 4-турида "кўк-анорранглилар" "Валенсия" дарвозасига жавобсиз 5 та гол урди.

"Биз доим яна кўпроқ гол уришни хоҳлаймиз. 2:0 ёки 3:0 ҳисобида ғалаба қозонишимиз мумкин эди, аммо йўқ. Биз гол уришда давом этишни, рақибни бутунлай босим остида қолдиришни ва унга бирорта ҳам имконият бермасликни истаймиз.

Шу билан бирга, ўз дарвозамиздан ҳам гол ўтказиб юбормасликни хоҳлаймиз", — дея Мартиннинг сўзларини Barça Universal келтирди.

"Барселона" 4 турдан сўнг 12 очко жамғариб, Испания чемпионатида пешқадамлик қилмоқда. Каталонияликлар бу учрашувларда 17 та гол уриб, ўз дарвозасидан атиги 2 та тўп ўтказиб юборган.