«Arsenal» hujumchisi Kay Xavers Angliya Premyer-ligasining 3-turida «Chelsi» ustidan 2:1 hisobida qozonilgan g‘alabadan so‘ng fikr bildirdi.

«O‘z maydoningda derbida g‘alaba qozonish juda yoqimli. Biz uchun oson o‘yin bo‘lmadi, ammo munosib g‘alabaga erishdik.

Edegorning o‘yinini alohida ta’kidlamoqchiman. U ajoyib futbolchi. Bu mavsumda u o‘zining eng yaxshi formasiga qaytdi. Martin bizga juda katta yordam beradi», — deya germaniyalik hujumchining so‘zlarini BBC Sport keltirdi.

Mikel Arteta shogirdlari Angliya Premyer-ligasi startida ketma-ket uchinchi g‘alabasini qo‘lga kiritdi. London klubi turnir jadvalida 2-o‘rinni egallab turibdi.