Madridning «Real» klubi bosh murabbiyi Joze Mourinyu Chempionlar ligasida «Inter»ga qarshi o‘yin oldidan Milan jamoasini yuqori baholadi. Umumiy bosqichning 1-turidan o‘rin olgan uchrashuv 8 sentyabr kuni bo‘lib o‘tadi.
«Bu ajoyib jamoa. Ular olti yildan beri bir xil o‘yin modeliga amal qilib kelmoqda. Konte davridan Kivugacha — o‘sha uslub, o‘sha taktik profil va o‘sha turdagi futbolchilar. Ular hatto ko‘zini yumgan holda ham o‘ynay oladi», — deya Mourinyuning so‘zlarini Sky keltirdi.
«Bu juda yetuk, sifatli va jismoniy jihatdan kuchli jamoa. Shunday «Inter»ning hali Chempionlar ligasini yutmagani hayratlanarli», — qo‘shimcha qildi portugaliyalik mutaxassis.
«Neradzurri» Chempionlar ligasining so‘nggi 10 mavsumidan 8 tasida ishtirok etgan. Jamoa 2023 va 2025 yillarda finalgacha yetib borgan, o‘tgan mavsumda esa musobaqani 1/8 final bosqichida tark etgan.
