Мадриднинг «Реал» клуби бош мураббийи Жозе Моуринью Чемпионлар лигасида «Интер»га қарши ўйин олдидан Милан жамоасини юқори баҳолади. Умумий босқичнинг 1-туридан ўрин олган учрашув 8 сентябрь куни бўлиб ўтади.
«Бу ажойиб жамоа. Улар олти йилдан бери бир хил ўйин моделига амал қилиб келмоқда. Конте давридан Кивугача — ўша услуб, ўша тактик профил ва ўша турдаги футболчилар. Улар ҳатто кўзини юмган ҳолда ҳам ўйнай олади», — дея Моуриньюнинг сўзларини Sky келтирди.
«Бу жуда етук, сифатли ва жисмоний жиҳатдан кучли жамоа. Шундай «Интер»нинг ҳали Чемпионлар лигасини ютмагани ҳайратланарли», — қўшимча қилди португалиялик мутахассис.
«Нерадзурри» Чемпионлар лигасининг сўнгги 10 мавсумидан 8 тасида иштирок этган. Жамоа 2023 ва 2025 йилларда финалгача етиб борган, ўтган мавсумда эса мусобақани 1/8 финал босқичида тарк этган.
